Беларуская паэзія

Вершы на беларускай мове



Верш Птушкі з казкі

Птушкі з казкі

Сыйдзе лёд – на возеры “аблокі”:
лебедзі, прыгожыя, бы ў казцы,
што з краёў вярнуліся далёкіх,
што знудзіліся па нашай ласцы.

Побач плаваюць з катамаранам.
Птушак не палохае сабака.
Рыбакі на бераг прыйдуць рана –
да кампаніі плывуць рыбацкай.

Хлеб даюць – на сушу могуць выйсці.
З птушкамі фатаграфуюць пары.
Лебядзіны свет, бацькі, адкрыйце
дзіцяняці, што іх бачыць марыць.

Дзень пагодны – дома не сядзіце.
Лебедзі чакаюць вашай ласкі.
Дзіцянё на возера вядзіце –
хай яно пабачыць птушак з казкі.

1 Star2 Stars3 Stars4 Stars5 Stars (No Ratings Yet)
Loading...

Верш Птушкі з казкі - Алесь Мацулевіч