Беларуская паэзія

Вершы на беларускай мове



Верш Кінапамяць

Вяртаннем з нябыту мараў, жаданняў
Бы ветрам са Свіслачы быў ты жывы.
У безлічы дзён, на паперах спатканняў
Нібыта тапельца падняўся з вады,

З вады пракаветных ахрышчанных зданняў,
Што крумкачамі чынілі твой лёс.
З вады незагойвальных лета світанняў,
Якія паеў неашчаднасці плёс.

Вяртанне праз боль, праз пакуты, праз страты
Так, быццам Авеля кроў праз віно…
Пад гучна-шалёныя стрэлы гарматаў
Тваіх успамінаў, якіх не было…

1 Star2 Stars3 Stars4 Stars5 Stars (No Ratings Yet)
Loading...

Верш Кінапамяць - Павел Гаспадыніч