Беларуская паэзія

Вершы на беларускай мове



Верш Годзе!

Годзе, браты мае, годзе
Плакацца нам і скуголіць.
Кажуць пра тое ў народзе:
Так мёртвых вязуць у поле.

Уздыміце свае галовы!
Раскрыльце магутныя плечы.
І геній свой шматвяковы –
Як зорнае, спеўнае веча.

Успомніце з гонарам, Хто вы!
Не стэпу асцё-пустазелле.
Вы – дзеці крывіцкае мовы,
Што Бог даў на радасць, вяселле.

Вы – праўнукі Зана, Касцюшкі,
Якое ж вы маеце права
Тапіць у расейскіх піўнушках
Продкаву веліч і славу?

Вы з Божай вялікае ласкі
Найпрыгажэйшыя ў свеце.
Скіньце ж халопскія маскі-
Хай воляю вочы засвецяць.

Годзе ж, браты мае, годзе
Плакаць ад крыўды-нядолі.
Магутным, вялікім, народзе,
Станеш ў змаганні за Волю.

1 Star2 Stars3 Stars4 Stars5 Stars (No Ratings Yet)
Loading...

Верш Годзе! - Ніна Аксёнчык