Беларуская паэзія

Вершы на беларускай мове



Верш СУВЕНІРНАЯ МОВА

Хіба ж Мова мая бутафорная?
Хіба ж Мова мая неразвітая?
Яна – самая бездакорная,
Дасканалая і масцітая!

Мова – княжацкая, самабытная,
Кроўю лепшых сыноў палітая.
Мілагучная і гранітная,
Мова кніжная, самавітая.

Быццам маці – адзіная, слаўная,
І, як зорачка, непаўторная…
Не рабочая, хоць дзяржаўная.
Сувенірная!,
а не бутафорная.

16.03.06.

1 Star2 Stars3 Stars4 Stars5 Stars (No Ratings Yet)
Loading...

Верш СУВЕНІРНАЯ МОВА - Алесь Яжэвіч