Беларуская паэзія

Вершы на беларускай мове



Верш Больніца

Калі доўга грукаць
галавою
аб бэтонную сьцяну,
бэтон зробіцца цёплым…
і да яго
можна будзе прытуліць
сваю шчаку
падобную да марской зоркі-мэдузы
адчуць
як зазямляецца
празь цела памяць
і дачакацца імгненьня
калі твае вочы
ператворацца ў неваляшак
а стракаты сусьвет
падасца глыбокай дзіркаю
ў мыйніцы


Верш Больніца - Вальжына Морт