Беларуская паэзія

Вершы на беларускай мове



Верш СОРАК ПЯЦЬ

Люстэрка абмануць? Наўрад ці выйдзе.
Гадзіны. Дні. Гады. Жыццё бяжыць…
Не клічу маладосць. Яна не прыйдзе.
“Зноў ягадкай” зусім нядрэнна жыць.

Глядзець на свет мудрэйшымі вачыма.
І роднае плячо аберагаць.
І на памылках навучаць дачку і сына.
І “для сябе” пакрыху жыць пачаць.

Над мітуснёй узняцца асцярожна
І азірнуцца. Ёсць што аглядаць.
І усміхнуцца. Горда. Пераможна.
І ціха Богу “дзякуй” прашаптаць.

1 Star2 Stars3 Stars4 Stars5 Stars (1 votes, average: 5,00 out of 5)

Верш СОРАК ПЯЦЬ - Таццяна Цвірка