Беларуская паэзія

Вершы на беларускай мове



Верш Віцебску

Мокрыя вуліцы
Горада Віцебска,
Як вы падобны
Адна на адну!
Вецер зрываецца
З рову парывісты,
Гойдае цёмнаю
Хваляй Дзвіну.
Горад Шагала
І горад Малевіча,
Дай распазнаць
Таямніцу тваю!
Велічны крыж
Язафата Кунцэвіча
Нібы з дакорам
Глядзіць на ваду.
Месцы святыя,
Парослыя дрэвамі,
Быццам малітвай,
Кранаюць душу
Жоўтай лістотай,
Даўно адляцелаю,
Што пад нагамі
Яшчэ варушу.

1 Star2 Stars3 Stars4 Stars5 Stars (No Ratings Yet)
Loading...

Верш Віцебску - Таццяна Барысава