Беларуская паэзія

Вершы на беларускай мове






Верш Агнём напоўніш мяне

Агнём напоўніш мяне –
Агнём неспатольнага сонца.
Зруйнуеш на белай сцяне
Прысак самоты бясконцы.
Агнём разварушыш спакой –
Агнём забыцця жоўтай жарсці.
Планетаў далёкіх канвой
Нам не дазволіць упасці.

Агнём развярэдзіш душу –
Агнём пераплаўленых ранкаў.
Я крыж твой на сэрцы нашу
За ўсіх на свеце каханкаў.

Агнём распілуеш мяне –
Агнём пракаветнага дрэва.
І кожная частка – табе,
Агнём перапоўнена Ева…

1 Star2 Stars3 Stars4 Stars5 Stars (1 votes, average: 5,00 out of 5)

Верш Агнём напоўніш мяне - Павел Гаспадыніч