Беларуская паэзія

Вершы на беларускай мове






Верш Бацькоўскай шчодрасці парог

Бацькоўскай шчодрасці парог
Цяплом у сэрцы адгукнецца.
Радзімы кожная з дарог
З маёю ані размінецца.

І будзе радасным жыццё,
Што не злічыць усмешак ветлых,
І столькі ў сэрцы думак светлых,
Што кожны крок — як адкрыццё.

І зернем дыхае ралля,
І столькі шчасця на прыкмеце,
Што, каб не быў мой край на свеце, —
Яго прыдумала б зямля.

1 Star2 Stars3 Stars4 Stars5 Stars (1 votes, average: 5,00 out of 5)

Верш Бацькоўскай шчодрасці парог - Уладзімір Марудаў