Беларуская паэзія

Вершы на беларускай мове



Верш У вас было такое

У вас было такое:
Праб’ецца сонца з хмары,
Кругом шчаслівасць твараў,
А ў сэрцы змрок трывогі,
Нібы твая дарога
Заўжды вядзе ў благое?

У вас было такое:
Нахабнасць бачыш, нізасць,
Раздзьмутую вялікасць,
Якая, пальцам торкні,
Як шарык мыльны лопне,
А ты з ей пра святое?

У вас было такое:
Расінка звісла з ружы,
Сцяжынку пояць лужы,
I лес зялёнабокі
З вясёлкаю высокай
Стаіць як конь з дугою!

У вас было такое?..

1 Star2 Stars3 Stars4 Stars5 Stars (No Ratings Yet)
Loading...

Верш У вас было такое - Янусь Малец