Беларуская паэзія

Вершы на беларускай мове



Верш Спачатку было Слова

Спачатку было Слова.
І Слова было ў Бога.
І Слова было Бог.

У цемры жылі людзі.
У іх не было свята.
У іх не было дня.

Аднойчы ўзышло сонца.
І стала навокал светла.
І стаў навакол свет.

На свеце жылі людзі.
Але не ведалі Слова,
Не зналі, што ёсць Бог.

Таму людзі толькі вылі,
І толькі таму брахалі,
Калі не маглі маўчыць.

І вось аднойчы збылося:
У сэрцы з’явілася Слова.
І ў Слове тым быў Бог.

А потым узнікла мова.
І мова жыве ў Слове.
А ў словах жыве Бог.

Калі пакідаем мову,
Калі пакідаем Слова,
То нас пакідае Бог.

Бо
Спачатку было Слова.
І Слова было ў Бога.
І Слова было Бог.

1 Star2 Stars3 Stars4 Stars5 Stars (1 votes, average: 5,00 out of 5)

Верш Спачатку было Слова - Ігар Пракаповіч