Беларуская паэзія

Вершы на беларускай мове



Верш Паглядзі на мой заручальны пярсцёнак

Паглядзі на мой заручальны пярсцёнак –
памятаеш:
на ім знавА мігцелі наразныя палоскі, фігуркі?
Але колькі яму давялося паспытаць –
гатаваў абед і мыў бялізну,
калыхаў дзяцей і шыў фіранкі,
палоў агарод і сушыў сена,
пісаў вершы й галубіў тваю галаву…
Паглядзі на мой заручальны пярсцёнак –
бачыш:
амаль незаўважнымі сталі тыя палоскі, фігуркі.
Але разам з імі сцерліся
і нашы непаразуменні, крыўды й сваркі.
Паглядзі на мой заручальны пярсцёнак –
ён блішчыць
яшчэ больш, чым знава.
Бо ў маё каханне да цябе
ўлілася шчырая любоў дачкі й сына.
Беражы гэты дар!

1 Star2 Stars3 Stars4 Stars5 Stars (1 votes, average: 5,00 out of 5)

Верш Паглядзі на мой заручальны пярсцёнак - Таццяна Цвірка