Беларуская паэзія

Вершы на беларускай мове



Верш ***Халадае жыццё. Халадае

Халадае жыццё. Халадае.
Быццам снегам людзей засыпае
Злосцю, зайздрасцю, сквапнасцю, болем…
І вясна больш не прыйдзе ніколі.

Халадае жыццё. Халадае.
Як залевай людзей залівае
П’янствам, хабарніцтвам, брыдкаслоўем…
І вясна больш не прыйдзе ніколі.

Халадае жыццё. Халадае.
І так многа людзей замярзае
Ад хваробаў, ад крыўды, ад здрады…
Не чакайце вясну.
Вінаваты…

1 Star2 Stars3 Stars4 Stars5 Stars (No Ratings Yet)
Loading...

Верш ***Халадае жыццё. Халадае - Таццяна Цвірка