Беларуская паэзія

Вершы на беларускай мове



Верш Ты – маё і жыццё, і смерць

Прыйдзе, прыйдзе ў ветразях снежань,
Набаліцца сэрца маной…
А пакуль у любві не межань,
Ружы ўсе для цябе адной.

А пакуль што вясна, як сваха,
Жэніць кветкі. Нашто марнець?
Я іду канаваным шляхам,
Ды іду, каб сваё адпець.

Адспяваць салаўём сутоння,
Ці разбойны высвішчу свіст…
Я не ведаю, што на сёння
Прынясе мне жыццё “на біс”.

Толькі ты мне дабро нараіш,
Ты – маё і жыццё, і смерць.
Толькі ты мяне не параніш,
Нават я калі буду хацець…

1 Star2 Stars3 Stars4 Stars5 Stars (No Ratings Yet)
Loading...

Верш Ты – маё і жыццё, і смерць - Віктар Леаненя