Беларуская паэзія

Вершы на беларускай мове



Верш Я буду сьмяяцца апошнім

Я буду сьмяяцца апошнім,
Калі дагарыць сонца
І зацьмянеюць зоркі,
Я буду сьмяяцца апошнім,
Калі белае стане чорным,
Салодкае стане горкім,
Я буду сьмяяцца апошнім,
Цяжкім ахрыплым голасам
З юнацкім пякучым сарказмам,
Я буду сьмяяцца апошнім,
Над нашым чысьцейшым розумам,
Над памяркоўнасьцю нашай,
Я буду сьмяяцца апошнім,
Над тымі, хто зараз сьмяецца
Над драмаю нашай і слабасьцю,
Я буду сьмяяцца апошнім,
Са мной застанецца надзея,
Я буду сьмяяцца радасьцю,
Я буду сьмяяцца апошнім,
Чакаючы новых веснаў,
Шукаючы вартасны шлях,
Я буду сьмяяцца апошнім,
Пакуль будзе стукаць сэрца
І будзе трымацца дах,
Я буду сьмяяцца апошнім,
Калі пераможа вера
І нехта ўспомніць нас,
Я буду сьмяяцца апошнім,
Калі стане іншай прастора
І пойдзе назад час,
Я буду сьмяяцца апошнім,
Я быў, застаюся, буду
Тутэйшым хлапцом беларускім,
Голасам краю любага,
Які не загіне ніколі…
Мы вернем сваю волю
І я буду сьмяяцца апошнім…

1 Star2 Stars3 Stars4 Stars5 Stars (No Ratings Yet)
Loading...

Верш Я буду сьмяяцца апошнім - Дзяніс Сідарок