Беларуская паэзія

Вершы на беларускай мове



Верш Усё ў жыцці заканамерна

Усё ў жыцці заканамерна:
зіма і лета. Дзень і ноч.
І я не маю больш намеру
ісці не прама, не наўзбоч.
Усё ў жыцці даволі проста:
ідзі – прыпынку не шукай.
І не скачы адчайна з моста
і пра дзень заўтрашні не дбай.
Жыві – не думай пра падзеі:
ідуць яны сваім шляхом
Ты паглядзі, як вецер вее,
І закалыхвае паром.
Ідзе жыццё – праз сон мінае.
І не здагадвалася я,
чаго я ад сябе чакаю
і ці чакаю чаго я?

1 Star2 Stars3 Stars4 Stars5 Stars (1 votes, average: 5,00 out of 5)

Верш Усё ў жыцці заканамерна - Алена Басікірская