Беларуская паэзія

Вершы на беларускай мове



Верш НЕ IСНУЕ РУЖ БЕЗ ШЫПОЎ

НЕ IСНУЕ РУЖ БЕЗ ШЫПОЎ!
Белая ружа – сонейка ў сцюжу.
Белая ружа – шчасце ў вачах.
Белая ружа – сведкаю служыць.
Белая ружа – кветкавы пах.

Ў ружоўнiку руж без шыпоў не бывае.
Сум без кахання – песня без слоў.
Кожны ў свой час сэрцам пазнАе,
Што не бывае руж без шыпоў.
Руж без шыпоў ўсё ж няма,
I не шукайце iх дарма.
Ў свеце расце многа сартоў –
Не iснуЕ руж без шыпоў!
2.
Жоўтая ружа – золата колер.
Жоўтая ружа – водгук струны.
Жоўтая ружа – сонца наўкола.
Жоўтая ружа – подых вясны.
3.
Ружа чырвоная – сымбаль кахання.
Ружа чырвоная – суму канец.
Ружа чырвоная – да вiншавання.
Ружа чырвоная – шлюбны вянец.

1 Star2 Stars3 Stars4 Stars5 Stars (No Ratings Yet)
Loading...

Верш НЕ IСНУЕ РУЖ БЕЗ ШЫПОЎ - Леанід Зубараў