Беларуская паэзія

Вершы на беларускай мове






Верш Лета маленства

Крыніцы, жыта, лес і неба,
І многа, вельмі многа сонца!
Баравікі пад колер хлеба
І павуціна на сасонцы.
А часам грукат навальніцы –
Усё наўкол шуміць і плача.
Узоры піша бліскавіца,
Гарохам дождж
Па стрэхах скача!
І каляровая вясёлка
Успыхне раптам над ракою,
І – луг зялёны ля пасёлка,
І дзед з бліскучаю касою.
…Перад вачмі ўсплывае гэта –
Ці ява ўсё, ці толькі сніцца?
Плыве рамонкавае лета,
Я прыпадаю да крыніцы…

1 Star2 Stars3 Stars4 Stars5 Stars (1 votes, average: 5,00 out of 5)

Верш Лета маленства - Янусь Малец