Беларуская паэзія

Вершы на беларускай мове



Верш Позні агонь у акне

Надвор’е шалее наўколлем,
Жахам калоціць сусвет,
На сонныя пушчы і сёлы
Дзікай пачварай раве.

Завея кідаецца ў ногі
Зграяю белых сабак,
Аслепла ад цемры дарога,
Водзіць не там і не так.

З сумёта не выважыць кроку…
Кліча прытульна бы ў сне
Дамок невідочны здалёку
Познім агнём у акне.

1 Star2 Stars3 Stars4 Stars5 Stars (No Ratings Yet)
Loading...

Верш Позні агонь у акне - Леанід Яўменаў