Беларуская паэзія

Вершы на беларускай мове





Верш ЧАБУРАШКА

Барбуха Ніне

Прыгадаўшы бабкі Стэпкі бражку,
Хочацца спяваць і танцаваць.
Ён сказаў аднойчы: “Чабурашка,
Ну, дазволь цябе пацалаваць!”

Як даўно я гэты голас чула.
Не адна ўжо высахла сляза.
За наіўнасць сціплую і чуласць
Чабурашкаю сястру назваў.

Каб жа так было: жыццёвы вопыт
Абганяў бы часу хуткі бег –
Ведала б адзін сардэчны клопат
І, магчыма, бесклапотны смех.

Вартая сапраўднага кахання,
Разгубілася, стаілася ў сабе,
Без папрокаў і без нараканняў –
З болем у жыццёвай барацьбе.

А калі зусім бывае цяжка,
Раптам перастане сумаваць,
І ўсміхнецца, прыгадаўшы:
“Чабурашка,
Ну, дазволь цябе пацалаваць!”

1 Star2 Stars3 Stars4 Stars5 Stars (1 votes, average: 5,00 out of 5)

Верш ЧАБУРАШКА - Вера Буланда