Беларуская паэзія

Вершы на беларускай мове



Верш Дзяўчыначка мая

Дзяўчыначка мая
Паслухай салаў’я
Як добра ён пяе
Як песня салаў’я
Як родная зямля
Ты спадабалась мне

Дазволь табе сказаць
Пра што хадзiў спытаць
Ў цыганкi чорнай я
Дазволь цябе кахаць
Дазволь пацалаваць
Вусна чырвоныя

Дазволь, прашу дазволь
Да хлеба трэба соль
Да хлопца дзеўчына
Ў цыганкi чорнай той
Пачуў я, што табой
Мой лёс адмечаны

Ўсе бедачкi мае
Што былi у галаве
Кудысьцi дзелiся
Як добра, што з табой
Прыгожай, маладой
Мы ўрэшце стрэлiся

Яшчэ б табе сказаў
Што слухаць я б не стаў
Цыганку чорную
Якi б адказ не быў
Усё ж цябе б зрабiў
Я нарачонаю!

1 Star2 Stars3 Stars4 Stars5 Stars (1 votes, average: 5,00 out of 5)

Верш Дзяўчыначка мая - Уладзімер Гардзейка