Беларуская паэзія

Вершы на беларускай мове






Верш КУЦЦЯ

Ціха ў хаце.
З кута, з іконы
Пазірае на нас Ісус.
Акуратна паверх саломы
Разаслала бабуля абрус.

Чыста ў хаце.
Чыгун пузаты
Ганарліва бачком блішчыць,
Бо святочнай куццёй не часта
Выпадае сям’ю карміць.

Светла ў хаце.
Міргае свечка,
Прымасціліся цені наўскос,
А рамонкавы водар з печы
Так прыемна казыча нос.

Свята ў хаце.
Ўладарыць тайна…
І анёлкі на гэты час
Думкі светлыя, жыццядайныя
Павыводзілі на папас.

1 Star2 Stars3 Stars4 Stars5 Stars (1 votes, average: 5,00 out of 5)

Верш КУЦЦЯ - Святлана Локтыш