Беларуская паэзія

Вершы на беларускай мове






Верш АЙЧЫНА

Мая Айчына – стог саломы
i куст шыпшыны ля шашы,
Дарога сталая дадому
i – вершы, вершы для душы!..

Мая Айчына – шум дубровы
i луг вясёлкавы, з пчалой,
i лiст – з пражылкамi кляновы,
Што на стол пiсьмовы лёг мой.

Азерца з вывадкам качыным,
Драўляны мосцiк…
Човен на вадзе –
Таксама ўсё гэта Айчына,
Што ўжо не згiне анiдзе,

Бо назаўжды са мной зжылося
i пойдзе разам у зямлю;
Любiў вясну – люблю i восень,
Бо родны край я свай люблю!..

Бо без яго я не ўяўляю
Жыцця – нi ў радасцi, нi ў скрусе;
На мове арфы размаўляю,
Слязой Айчыны апякуся.

1 Star2 Stars3 Stars4 Stars5 Stars (1 votes, average: 5,00 out of 5)

Верш АЙЧЫНА - Міхась Курыла