Беларуская паэзія

Вершы на беларускай мове




Верш Ну і вецер за акном!



Ну і вецер за акном!
Гнуцца тонкія бярозкі.
Пасадзіла як на злом
на сямі вятрах нябоскіх…

А мяне хто пасадзіў
на гарушцы адубелай,
кволым голлем надзяліў
і апраткай надта белай?

На бярозы я гляджу, –
чым не сёстры, чым не сёстры!
Але як агараджу,
дзе тынок здабуду востры?

Адшумела ўжо вясна,
стане золка ў сутарэнні…
Ёсць заслона ў нас адна –
наша моцнае
карэнне.





1 Star2 Stars3 Stars4 Stars5 Stars (No Ratings Yet)
Loading...

Верш Ну і вецер за акном! - Еўдакія Лось