Беларуская паэзія

Вершы на беларускай мове



Верш Расонскі стод

Ты прачнуўся ў водах Дрысы,
Безыменны стод.
І падняў цябе нядаўна
Добры наш народ.
Што ты можаш распавесці
З глыбіні вякоў?
Што здаралася ў парэччы
Між лясных куткоў?
Памятаеш ты мінуласць,
Час Русі былой?
Помніш, як русіны гонар
Здабывалі свой?
Мо ты помніш Рагвалода,
Полацкіх князёў?
Памятаеш старадаўніх
Тураў і ласёў?
А Міндоўга памятаеш,
Віцязяў Літвы?
Як змагалісь разам з імі
Супраць татарвы?
Памятаеш, як хрысцілі
Наш крывіцкі край?
Як цябе ўтапілі ў Дрысе
Пад вароны грай?
Што ты можаш нам паведаць,
Старажытны стод?
Што пазнае аб Радзіме
Шчыры наш народ?

1 Star2 Stars3 Stars4 Stars5 Stars (1 votes, average: 5.00 out of 5)

Верш Расонскі стод - Зміцер Крэчат