Беларуская паэзія

Вершы на беларускай мове



Верш Срэбны блюз

Белы снег так кладзецца бялютка і роўна.
Гэта зімняя ноч сцеле чысты абрус.
І танцуюць сняжынкі прыгожа, чароўна
Непаўторны, нібы ў першыню, срэбны блюз.

Срэбны блюз – гэта дзіўная песня кахання.
І ўсё навакол, быццам здейснены сон.
Срэбны блюз – гэта светлае шчасця чаканне.
Нам з табой назаўсёды запомніцца ён.

Колькі цудаў у гэтым звычайным зацішшы!
У мінулым пакінуты цяжкасцяў груз.
Многа дзіўных старонак яшчэ мы напішам
І станцуем з табой срэбны блюз.

1 Star2 Stars3 Stars4 Stars5 Stars (1 votes, average: 5,00 out of 5)

Верш Срэбны блюз - Жанна Левітан