Беларуская паэзія

Вершы на беларускай мове






Верш Хвалілася бура

Хвалілася бура:
“Брат вецер!..
Я –
самая моцная ў свеце:
асілкі-дубы
вырву з коранем…
І ты – захачу –
мне пакорышся!”

…А ветрык-гарэза
прайшоўся па бору –
той песняй азваўся
птушынага хору…

Узвіўся у неба
да хмарак імглістых –
яны сыпанулі
дажджом серабрыстым…

А толькі крануўся ён
гладзі азёрнай –
яна разгулялася
сполахам зорным…

І бура знямела
ў здзіўленні няўмольным:
“Што ж!..
Вольнаму – воля…
Вольнаму… воля!”

1 Star2 Stars3 Stars4 Stars5 Stars (1 votes, average: 5,00 out of 5)

Верш Хвалілася бура - Васіль Рагаўцоў