Беларуская паэзія

Вершы на беларускай мове



Верш Словы

Словы на зямлю ўпалі зорамі,
Шапатлівым травеньскім дажджом,
Сталі чыстай, мілагучнай моваю –
Кожнае ўзляцела матыльком,
Кветкай распусцілася духмянаю,
Пабягло крынічкаю жывой.
Словы на зямлю ўпалі зорамі
Славіць свет сваёю пекнатой.

Кветкі ўсе пасохлі ў гербарыях,
Жыць без іх ня могуць матылі,
А крыніцы смеццем закіданыя
З лаянкі, пустое балбатні,
Справаздачаў і рэкламных слоганаў
З сэнсам, што ні духам, ані сном…
Словы ж на зямлю ўпалі зорамі,
Ніспасланым травеньскім дажджом!

1 Star2 Stars3 Stars4 Stars5 Stars (1 votes, average: 5,00 out of 5)

Верш Словы - Валянціна Рашэтнік