Беларуская паэзія

Вершы на беларускай мове



Верш Мае вершы

Мае вершы сумуюць па кнізе…
Ім нясцерпна апрыкла бадзянне
па газетна-зімовай адлізе
з правам дзённага лёсайснавання.

Мае вершы блукаюць па свеце
у лістах да сяброў і каханай…
Яны быццам заблудныя дзеці,
што згубілі шляхі да Нірваны.

Мае вершы, жывіце надзеяй
мо тады, калі я вас не ўбачу…
Вам шумець папяровай завеяй
у руках закаханай чытычкі.

1 Star2 Stars3 Stars4 Stars5 Stars (1 votes, average: 5,00 out of 5)

Верш Мае вершы - Эдуард Акулін