Беларуская паэзія

Вершы на беларускай мове



Верш Промні надзей

Промні надзей..
****************************
Вясна заранне завітала.
Сышлі марозы. І тады
Яна зайграла, заспявала
І ўсіх пазбавіла нуды.

Праменьчык сонца над павеццю
Шчыруе з ранку кожны дзень
І рады сталыя і дзеці:
Вясна ідзе! Вясна ідзе!

Сінічка ціўкае ля сенцаў,
Расправіў крыльцы верабей.
Глядзіцца сонейка ў акенца
Ды лашчыць промнямі надзей.

Вясна жаданая заўсёды.
Яе пяшчотны кожны крок
Абудзіць хараством мелодый
Зямельку, рэчку і дзянёк!
5.02 – 2016г.

1 Star2 Stars3 Stars4 Stars5 Stars (No Ratings Yet)
Loading...

Верш Промні надзей - Аўтар невядомы