Беларуская паэзія

Вершы на беларускай мове



Верш Расце атава

Расце атава.
Укос другі
Касцоў пакліча неўзабаве.
Буслоў бясконцыя кругі,
У сэрцы большае тугі,
Як на бязлюднай пераправе.

Як на бязлюднай пераправе,
Дзе перавозчыка няма,
А ты гукаеш, ды дарма:
Маўчыць аглухлы бераг правы.

Маўчыць аглухлы бераг правы
Хоць да яго рукой падаць,
А там калышуцца, шумяць
Твае няскошаныя травы.

1 Star2 Stars3 Stars4 Stars5 Stars (1 votes, average: 5,00 out of 5)

Верш Расце атава - Алег Салтук