Беларуская паэзія

Вершы на беларускай мове




Верш Я беларус у душы



Гэй, я устаў з кален, з плечаў скінуў горб,
Збег з-пад чужынскіх сцен, бо не некі жлоб.
Я не пляшу пад дуду, рабом ня буду жыць,
Прэч я ганю нуду, жадаю вольным быць.

Я беларус у душы, пан сваёй зямлі,
Гэтак будзе заўжды, продкі так жылі.
Я не бязродны сын, маю гонар свой,
Шчэ не забыў мясцін, ды страхі старой.

Я запавет дзядоў па жыцці нашу.
Шлях мой ляжыць дамоў, зноўку ім брыду.
Родны ж ты мой край, я ізноў з табой,
Ты падкажы, парай, як дабіцца мрой?

Хай згубца дыша злом, хай пільнуе жах,
Путы парву крылом, быццам вольны птах.
Лёс па чужыне хай мой ганяе крок,
Ўсё ж у бацькоўскі край прыйду я здалёк.

5.03.1994





1 Star2 Stars3 Stars4 Stars5 Stars (No Ratings Yet)
Loading...

Верш Я беларус у душы - Алег Грушэцкі