Беларуская паэзія

Вершы на беларускай мове



Верш У родным кутку

Ціхі летні вечарок,
Легкі ветра халадок,
і бярозка так пяшчотна абдымае.
Зорак успыхваюць агні,
Я на знічку ў вышыні
Патаемнае жаданне загадаю.

Засталіся дзесь гады
Каля хуткае вады,
і мінулага растала павалока.
і здаецца мне, нібы
Каля ніцае вярбы
Я твае, дзяцінства, чую крокі.

Край любімы, родны мой,
П’ ю салодкі водар твой.
Тут я сэрцам і душой адпачываю.
і куды б мяне ізноў
Шлях жыццёвы ні завёў,
Я з табой сумую, мару і кахаю.

1 Star2 Stars3 Stars4 Stars5 Stars (1 votes, average: 5,00 out of 5)

Верш У родным кутку - Жанна Левітан