Беларуская паэзія

Вершы на беларускай мове





Верш БАЛАДА ЯСЬКІ ШНІПА

(1866-1914)

Як павуціна, чорныя акопы
У мёртвым снезе пасярод Еўропы.
І прад табой і за табой вайна,
Нібы з агню сусветная сцяна,
Якую не прайсці табе і ты
Ляціш у снег, нібы снарад пусты,
Які ўжо не спатрэбіцца нікому.
І кроў з цябе, нібы сцяга дадому,
У снег цячэ счарнелы вінавата.
Няма цябе і ўжо няма салдата.
Ёсць толькі смерць, што пасярод Еўропы,
Як павуціну, чорныя акопы
Парасцягнула ў снезе і ў крыві.
Ты жыць хацеў… У памяці жыві
І ў шуме траў, і ў цішы валуноў,
Дзе і твая ёсць за Айчыну кроў…

8.12.2005

1 Star2 Stars3 Stars4 Stars5 Stars (1 votes, average: 5,00 out of 5)

Верш БАЛАДА ЯСЬКІ ШНІПА - Віктар Шніп