Беларуская паэзія

Вершы на беларускай мове



Верш БЕЗ ЦЯБЕ

Х. А.

Мне не жыць без цябе…
Гэта стала так ясна,
Як ратунку ў мальбе
Не знаходзіць няшчасны.

Галашэнне – не гімн.
Плач – таксама не радасць,
Колькі летаў і зім
Стрэчы нашыя крадуць.

Аб табе не спяваць?
Гэта хто ж забароніць?
Думкай мне цалаваць
Твае вусны і скроні.

Сціхнуць песні ў журбе
За далёкай гарою…
Мне не жыць без цябе,
Як не жыць мне з табою.

1 Star2 Stars3 Stars4 Stars5 Stars (No Ratings Yet)
Loading...

Верш БЕЗ ЦЯБЕ - Вера Буланда