Беларуская паэзія

Вершы на беларускай мове



Верш Усім вясна дала работу

Усім вясна дала работу,
Спрадвеку ўжо закон такі –
I на бярозах гнёзды-ноты
Панаразвесілі гракі.

Расселіся сям’ёю кучнай,
I хай трывожаць раннем сон –
Вядома, хор немілагучны, –
Ды абуджае сэрца ён.

I на мяне находзіць роздум,
Што нельга раніцы праспаць,
Што час выходзіць з хат, як з гнёздаў,
Палеткі дбала засяваць.

1 Star2 Stars3 Stars4 Stars5 Stars (2 votes, average: 5,00 out of 5)

Верш Усім вясна дала работу - Пятрусь Броўка