Беларуская паэзія

Вершы на беларускай мове



Верш Восень – дзiўная пара

Восень – дзiўная пара:
Па кустах, па клёнах
Разгараецца зара
Золата са звонам.

Ранак выгане туман
Да ракi пасцiся,
Жураўлiны караван
Растрывожыць высi.

Яркi веер сабярэ
З лiсця цiхi вечар,
Лёгкiм шорахам парве
Веер гэты вецер.

Паслухмяна, ветру ўслед,
Лiст на дол спадае…
Па iржышчы – жоўтым шкле –
Верасень ступае.

1 Star2 Stars3 Stars4 Stars5 Stars (No Ratings Yet)
Loading...

Верш Восень – дзiўная пара - Міхась Курыла