Беларуская паэзія

Вершы на беларускай мове






Верш Павесялелі ўсе разлогі

Павесялелі ўсе разлогі,
Снягі праменнямі зняло.
Павысыхалыя дарогі
Завуць удалеч, за сяло.

Пакіну стол, аловак, сшытак,
Вазьму кіёчак – і гайда.
Дзень добры, дымныя ракіты,
Дзень добры, кнігавак арда.

Там, дзе свячэнне дня ўзнікае,
Дзе спеў, дзе гул, дзе бляск ракі,
Даўно-даўно мяне чакаюць
Мае найлепшыя радкі…

1 Star2 Stars3 Stars4 Stars5 Stars (1 votes, average: 5,00 out of 5)

Верш Павесялелі ўсе разлогі - Кастусь Кірыенка