Беларуская паэзія

Вершы на беларускай мове



Верш Пчолы і бутон

Вось на ганачак вулля
Выйшлі пчолы спакваля.
Паглядзелі: што за дзень!
– Ці не май да нас ідзе?
– Шмат травы ўжо.
– Ды шкада
Шчодрых кветак не відаць!
– У кладоўцы хутка ў нас
Мёду скончыцца запас.
– Гэй, сястрыцы, гляньце:
Хто
На лужку, вунь там?
– Бутон!

Падляцелі да яго:
– Добры дзень, бутончык!
– Го!..
Ты чаго маўчыш?
– Чаму ты
Ў дзіўны дзень такі
Надзьмуты?!

І бутон расцвіў усмешкай:
– Ну і пчолкі! Ну й пацешкі!
За візіт такі вось зараз
Пачастуйцеся нектарам!..

1 Star2 Stars3 Stars4 Stars5 Stars (No Ratings Yet)
Loading...

Верш Пчолы і бутон - Станіслаў Валодзька