Беларуская паэзія

Вершы на беларускай мове





Верш Злуецца дождж

Злуецца дождж, шалёны быццам псіх.
Ён помсціць за мінулую спякоту.
Ён разагнаў на вуліцах усіх:
Людзей, жывёл, усялякую істоту.

Злуецца дождж, ён сёння гаспадар,
Калі пануе-любіць адзіноту.
Але ён толькі служка чорных хмар.
Працуе на адлічаную квоту.

І зноў заззяе сонца, як заўжды.
Ласкава, быццам маці абагрэе.
Калі у тваім жыцці ідуць дажджы
Ты вер у сонца. Не губляй надзеі

1 Star2 Stars3 Stars4 Stars5 Stars (1 votes, average: 5,00 out of 5)

Верш Злуецца дождж - Алесь Лесін