Беларуская паэзія

Вершы на беларускай мове



Верш Даруй мне

Даруй мне гэтую памылку,
Я не пазнала позірк твой.
Ён нейкі новы, мной забыты,
Ўжо больш не сушыць маю кроў.
Ўжо больш не сцягвае мне грудзі,
Не прымагнічвае вачэй,
Уночы месяцам не будзіць,
Не робіць на душы лягчэй.
Даруй мне гэтую памылку,
Я не пазнала голас твой,
Ён нейкі новы, мной забыты,
Больш не жыве штодзень са мной.
Даруй мне гэтую памылку,
Я не пазнала рук тваіх,
Тваіх салодкіх, мной забытых,
Ласкавых, некалі сваіх.
Даруй мне гэтую памылку,
У гэтым не твая віна,
Што стаў даўно ўжо мне нямілым,
А іншаю ўжо стала я.

1 Star2 Stars3 Stars4 Stars5 Stars (1 votes, average: 5,00 out of 5)

Верш Даруй мне - Алена Лянок