Беларуская паэзія

Вершы на беларускай мове





Верш Наш дом

Наш родны дом – Зямля – планета
З красой лугоў, з красой палёў,
І з васільковай песняй лета,
І з шэптам восеньскіх вятроў.

З суровай заммяццю зімовай,
З гамонкай звонкіх ручаёў,
І з мілагучнай роднай мовай –
Вялікай спадчынай бацькоў.

Дык захаваем жа планету
І зберажом дом родны свой,
Жыццё каб стала песняй светлай,
Вясёлкай над вадой рачной.

Каб вольна, хораша, утульна
Жылося ўсім нам на зямлі.
За клопат наш з табой агульны
Каб людзі ўдзячны нам былі.

1 Star2 Stars3 Stars4 Stars5 Stars (1 votes, average: 5,00 out of 5)

Верш Наш дом - Зінаіда Гасціловіч