Беларуская паэзія

Вершы на беларускай мове

Верш Каб забіць, каб згубіць, каб забыць

Каб каханьне сваё забіць,
(а было яно невылечным),
Я аб ім пачала гаварыць
З кожным стрэчным.

Каб каханьне сваё згубіць,
(а было яно нерэальным),
Я яго пачала рабіць
Абсалютна матэрыяльным.

Каб каханьне сваё забыць,
(а была ім душа працята),
Я ізноў пачала любіць
Невядома каго – як брата…

Каб забіць,
каб згубіць,
каб забыць…

1 Star2 Stars3 Stars4 Stars5 Stars (No Ratings Yet)
Loading...

Верш Каб забіць, каб згубіць, каб забыць - Вольга Ласаева