Беларуская паэзія

Вершы на беларускай мове





Верш Ты бачышся мне

Праз пэўныя рэчы будзённых рэалій,
каторым я сілы і час аддаю,
твае галаграмы, як радыёхвалі,
хлынаюць у яву маю.

Ты бачышся мне. Апантанасць табою –
як шторм, што ўрываецца ў штыльныя дні.
Ты б’ешся ў мой розум нястрымным прыбоем –
выяваю з далечыні.

Набатам калоціцца сэрца штоночы:
калі ты, як прывід у цёмным акне,
знішчаеш мой сон і, уставіўшы вочы,
употай пільнуеш мяне.

І мне ад цябе не схавацца нікуды.
Здаецца, я – рыбка, што трапіла ў сець.
Адзінае выйсце – даверыцца цуду –
і ў родныя вочы глядзець.

27.03.2013

1 Star2 Stars3 Stars4 Stars5 Stars (1 votes, average: 5,00 out of 5)

Верш Ты бачышся мне - Таццяна Дзям'янава