Беларуская паэзія

Вершы на беларускай мове



Верш Я не валодаю мовай

Я не валодаю мовай –
Мова валодае мной.
Чую, здаецца, па новай
Гукаў абуджаных строй.

Мова мяне вывучае:
Хто я, чаму і куды?
Сумнай усмешкай страчае
Цераз бязмоўя гады.

Нешта мяне падштурхнула,
Нехта вядзе за руку.
Роднае слова кранула,
Каб апынуцца ў радку.

Просіцца верш на паперу,
Птушкаю б’ецца ў акне…
Здолее мова, я веру
Вывучыць зноўку мяне.

27.05.2015

1 Star2 Stars3 Stars4 Stars5 Stars (No Ratings Yet)
Loading...

Верш Я не валодаю мовай - Сяргей Махнач