Беларуская паэзія

Вершы на беларускай мове



Верш Не будзі мяне раніцай

Не будзі мяне раніцай, родная.
Буду бачыць я сон пра жыццё,
Дзе краіна, ад глупства свабодная,
Прарываецца скрозь забыццё.

Дзе чыноўнікі – слугі народныя –
Сціпла служаць народу свайму,
Дзе за думкі, ледзь-ледзь іншародныя,
Не саджаюць людзей у турму.

Хай не толькі надоямі славіцца
Беларуская наша зямля!
Хай суседзі з павагаю ставяцца
Да таго, хто стаіць у руля!

Не будзі мяне раніцай, мілая,
Дай паэту памарыць як след.
Можа, ён, слова трапнага сілаю,
Абароніць краіну ад бед.
24.01.2014

1 Star2 Stars3 Stars4 Stars5 Stars (No Ratings Yet)
Loading...

Верш Не будзі мяне раніцай - Сяргей Махнач