Беларуская паэзія

Вершы на беларускай мове






Верш Сляды выраю

Зніклым ценем вераснёвым
Адляцела ў вырай ты…
Птушка жарсці спапялёнай,
Памяць даўняе вясны.

З цягам часу дождж і вецер
Паабмылі ўсе сляды…
Адзінотай беларускай,
Сумам страчанай красы.

Праз гадоў сівыя вежы
Пераскочылі няўзнак…
Далягляд малюе межы
Нашых мрояў шэры страх.

Зніклым ценем вераснёвым
Часам ў сны прыходзіш ты.
Светлым нечым няулоўным,
Як да выраю сляды…

1 Star2 Stars3 Stars4 Stars5 Stars (1 votes, average: 5,00 out of 5)

Верш Сляды выраю - Павел Гаспадыніч