Беларуская паэзія

Вершы на беларускай мове



Верш Не гаварыце кепскага пра тую

Не гаварыце кепскага пра тую,
Якой не ведаеце i не знаеце:
Пра яснавокую i маладую –
У парушынках першай снежнай замецi.

Не гаварыце брыдкага, крый божа!
Вы сан жаночы нiзашто заплямiце.
Ей выпаў рэдкi лёс – кахаць прыгожа.
Кахаць да смерцi. А не да “без памяцi”.


Верш Не гаварыце кепскага пра тую - Ніл Гілевіч