Беларуская паэзія

Вершы на беларускай мове



Верш Я імкнуся сваё дачыненне

Ххх
Светлай памяці маці Анастасіі Маркаўны

Я імкнуся сваё дачыненне
да Высокага духу знайсці.
Божа, дай да Твайго ўзвышэння
даляцець мне… Дайсці… Дапаўзці…

Ля вытокаў прасветлай крыніцы
Твая міласць хай не міне,
і на золку на самым прысніцца,
што прыкмеціў Ты, Божа, мяне.

Што адзначыў ў натоўпе вірлівым
мой самотны, разгублены твар…
Што судзіў, як заўжды, справядліва,
калі траціў дарэмна Твой дар…

1 Star2 Stars3 Stars4 Stars5 Stars (1 votes, average: 5,00 out of 5)

Верш Я імкнуся сваё дачыненне - Алесь Гібок-Гібкоўскі