Беларуская паэзія

Вершы на беларускай мове



Верш Не задзімай свае святло!

Не задзімай сваё святло!
Не рві духоўную аброць!
І, як бы цяжка не было,
Ў абдымкі цемры не сыходзь.

Нясі цярпліва долі крыж
І не імкніся наракаць!
Бог не дае паклажы звыш
Таго, што здолееш стрываць.

А напаўзе туга, адчай,
Не спавівай душу нудой,
Сабе закіснуць не давай –
Змагайся дзеяннем з бядой!

Калі ж адолееш усё
І ўбачыш сонейка з-за хмар,
Скажы з усмешкай: “О, жыццё!
Ты – блаславенны Божы дар.”

4.04.2011

1 Star2 Stars3 Stars4 Stars5 Stars (1 votes, average: 5,00 out of 5)

Верш Не задзімай свае святло! - Таццяна Дзям'янава